.
.
.
بداية :
في الساعه الثانيه طعش بعد هطول الليل...
صقيقتي تتصل بي وتحثني على القدوم اليها.!
وطبعاً أنا ما صدقت وفركة كعب وانا عندها
<<<< داشره من يومها
المهمز
فتحت لي الباب... ودخلت الى الداخل...
قلت لها هاه نعم انتي وخشتك وش تبين ..
قالت بكل هدؤء وبعيون ناعسه يالبى قلبكِ ابي اسولف مع الحلوين ( انتبهوا لحركة العيون )
وقتها حسيت برجفه بموية عيني وبشوية حكه ببطين قلبي الأيسر وآثار غثيان على موزة ركبتي
قلت في نفسي وش تبي ذي تسبل لي بعيونها ماباقي إلا تغمز لي لا والحلوين بعد
المهمز أنا بصراحه خفت بعدين قلت يابنت الذين لا تخافين خليك قوية مثل (نعومي كامبل) خخخـ ..
وطبعاً استجمعت قوتي وجلسة وكل ما لها البنت تقرب يمي وانا ازحف وابعد واقول ياليل الشقى مطولك
وكل ما ابعد تقرب
ابعد
تقرب
ابعد
تقرب
ابعد
تقرب ابعد تقرب لحظات من الصمت إلا وكراعيني فوق وراسي تحت
( لعنبوا دارها والزفته ذكرتني بأيام ماكنت بالبيت الأبيض والأميرة ديانا الله يرحمها بعلت تشارلز تكبس رجولي
وانا اقولها روحي شوفي عيالك وتشارلز قبل ينامون وتقولي لا والله كراعينك عندي تسواهم وانا قول في نفسي يلعن اووم اللزقه ..)
المهمزالبنت جالسة تضحك وانا لميت حالي وجلسة وقلت لها بصوت طفولي لو سمحتي بدون تلزيق
البنت وقتها حسيت الفيس تبعها قلب رمادي على طول جاء في بالي أغنية (ماوكلي) لوني ذا اليله رمادي لوني ماكن عادي ,,
وقلت في نفسي طنقرت العبده يمه والجبهه
وطبعاً لو شفتوا الفيس تبعها والله تقولو لو أن الفنانة عتاب ما نشوفها يومياً ببرنامج أوبرا كان قلنا عتاب صقيقتك ,,
المهمز طلعت البنت وقالت بعد اذنك قلبو اجيب العصير قلت بنفسي ياشين السرج على البقر ياقلبو بعد ..
بيني وبينكم البنت ذي شآكه في أمرها بعد ما خلت هيفاء وهبي تغني كلماتها ( بوس الواو شوف الواو خلي الواو يصح )
وهي قد وعدت ابو نورة ( محمد عبده ) بأنه يغنيها والله والله ما انسى ذاك اليوم اللي اتصل علي فيه محمد عبده وهو يبكي بغى يموت
من البكاء قلت له وشفيك يابو جبهه <<<<<< عادي امون عليه قال الأغنية سرقتها حلابت البقر (يقصد هيفاء )
قلت له ماعليه خيرها بغيرها وطبعاً اعطيته أغنيتين بعنوان (إسكيوزمي بليز ون بيج ماك ويذ آوت مايونيز )
والأغنية الثانية بعنوان (اروح هيلا هوب مع هذا الشعر ياعبيد ) وطبعاً إلحان وتوزيع ( جورج قرداحي )
والحمد لله الأمور مشت مع ابو جبهه ,,
نرجع لمربع حديثنا ,,,,
البنت جات وجابت معاها عصير وهي تمشيى تقل رابح صقر لابس سترتش وعيونها حمر كأنها جمره محروقه بديزل
قلت بنفسي وينك يمه محتاجه لحنانك ست الحبايب يا حبيبة يا اغلى من روحي ودمي ,, <<<< قلبت عيد الأم
المشكلة العصير لازم اشربه وانا قلبي يقول طمبق طمبق طرطق طرطق خوفي لا تكون حطت لي شيء فيه بعدها اروح في خرايطها
ياربي وش الدبره وش الصرفه اللحين
إلا البنت تقولي اشربي الله يجعلني عصير يا شيخه
قلت وشو بصوت سمعوه ستار اكآديمي وقت البروفه حتى بدليل اتصلت عليها رولا سعد وقالت لها وش عندكم هواش قالت صقيقتي
لا بس تسلم عليكم أمي تقول عندكم حبتين طماط ,,
المهمز انا قلت البنت رايحه بخرايطها الظاهر بتخربها معي اليله ( تسبيل عيون ’ وياقلبو ’ واموت على الحلوين ’والله يجعلني عصير ’)
وش باقي ماباقي الا الفاعل والمفعول به والمجرور على خشته والساكت عن الحق شيطان أخرس ,,
<<<< محششه الأخت
ياليل البعارين والبزارين لا فحطو بالكراتين قلت في نفسي وياكثر ما اهرج مع نفسي يابنت الذين صيري قوية مثل (مردونا) يوم أمي تصفقه عند البير وهو مستسلم لها خليك زيه قويه ..
المهمز << ياكثر ما قلتها بس ماعليه
تعوذت من أخو برجس حسبي الله عليه اللي هو الشيطان الرجيم وشربت نقطه من العصير لعل وعسى ما اخليها تشك اني شكيت
قالت لي وش ناويه عليه قلت لها من اي ناحية تقصدين قالت من ناحية انك جالسه بالبيت وعاطله
قلت لها وش خصك لا يكون جالسه ببيتكم وانا مدري ولا لا يكون مسلفتني كرت العايله
(انا قلت فرصه اتهاوش معاها واطلع من البيت )
إلا وتقوم وتنط على وتقول يابعد قلبي انا آسفه لا تتضايقي من سؤالي والله مو قصدي
قلت ايه اهجدي احسن لك واحسن لي واحسن لبيتكم واحسن للحاره كلها ,,
فجأه جوالي يدق ترن ترن ...... اشوف إلا وهو شارون من اسرائيل ابن سته وستين هو هو يتصل فيني
قلت له وش تبي يامال العله ويامال الجدري اللي ينفض وجهك قال بس حبيت أذكرك بالحاجز اللي قلتي لي ابنيه
على الحدود بين فلسطين واسرائيل وش تبين لونه قلت له تتفلسف انت وجبهتك مو قايله لك من اول ابيه زهري مع نقاط فوشي
بعدين ابن الحرام هذا (بوش) أدق عليه ويرسل لي كول مي ليه خلفته ونسيته قال والله انه مشغول جالس يخيط سراويل جدتكِ مزنه
قلت شغلي معاكم الثنين بعدين انا اللحين مشغوله عساك الماحي اللي يخفيك من الوجود وقفلت بوجهه وحطيت الجوال بالشنطه ,,
إلا وصقيقتي تقول الله يعينك على العله اللي عندك قلت اي والله واللي بجنبي بعد قالت ايه قلت لا ولا شيء خخخخـ,,
7
7
السالفه مطوله واللي براسي يبيله قسم لحاله لذلك اكتفي بهذا القدر من الكذبات والفشقات يمكن من الله ترفقون على وتنثبرون فيني
بما اني بنوته كشوخه وذربه ونعومه ومافيني من العربجه ذره وتعطوني الجائزه حقت السلآم
بدون اي واسطات يعني ارفقوا على من جلسة البيت وفرحوني بهديه
<<<<<<<< شحاثه على باب الحرم
على فكرة ( أنثبر فيني ) كلمة دايم اقولها لأخوي قدام ابوي اذا ابي اروح السوق وهو يرتفع ضغطه بس مايقدر يقولي شي
لأني سبق وترجمتها لأبوي وهو فاهم الوضع
والكلمة( تعني أنثى بر فيني ) والبر من البر والاحسان ,,,
يالله سي يو واذا تبون فقش اكثر من عيوناتي وش ورانا ....
الجمعة أبريل 11, 2008 11:10 am
