هلا والله بالصطول
عفوا على الاهانه..
بس تستاهلون توكم تدخلون
<<<<بيجيك تصفيق بعد شوي
كان يامكان فب قديم الزمان كان في واحد ينقاله جيعه ابو لبن
لانه يحب اللبن حبا جما وتعرفون عاد اللبن يخدر عشانه ثقيل مره
والظاهر كذا انه خبط ذكائه من اللبن اساسا كل ماشرب ينام ودي اعرف وش السبب.
نبذه بسيطه عن جيعه
عمره تقريبا 24 سنه حاليا
ترتيبه الثالث بين اخوانه
فيه شويه غباء وشويه نصب واحتيال
المهم في بدايه طبعا ماخلص الثانويه طبعا حده الكفائه
بعد ماخلص المتوسط قرر ابوه يدخله في معهد خاص عشان يدرس فيه
اجل عشان وش يتصور معه
دخله ابوه وهو ماكن يبي يدرس يبي يشتغل مكافح الولد يبي ياكل من عرق جبينه
كان ابوه يوديه من العريجاء لين العلياء كل يوم الصبح بعدين قال لبوه انا بروح من نفسي وراح وشراء له سيكل في البدايه عادي كل شي تمام لين يوم من الايام
لاحظوا انوه ياخذ معه سطل مويه وش السر محد يدري الا جيعه اكيد لانه اهو اللي يستعمله بعد فتره قرر ابوه انه يروح ويشوف وش السوات اللي يسويها
وبالصدفه لقاه ولد يغسل سيارات وشو يغسل سيارات معقوله وفي الظهريه ياهووووه
يمين يسار فوق تحت اسبح تنكس ابد نفس الخشه جيعه بشحمه ولحمه ابد اهو
طبعا انصدم ابوه وبعد مارجع البيت ابد ماجلده ولا ضربه ولا شي بس انه سلخ جلده
وسئله وقال الولد هذا يسمونه وقت اضافي ولملم الموضوع وقال خلاص بكمل الدراسه وقال لابوه ابي اشتغل قال خلاص دور لك اي شغله على قولته
وقت اضافي وجلس يفكر ويفكر ويفكر وطلعت في راسه العسكريه وبرضو
كل مايوديه ابوه يروح للبطحاء ويروح للعسكريه عشان يقدم اوراقه للعسكريه
انا قايله وش يبي بالشقى من الحين اهو كان صغير وماكانوا يقبلونه لصغر سنه
في البدايه صار عنده احباط يوم لقى الرفض وجلس شهر شهرين وهو في المعهد
ويوم من الايام جات في باله فكره وراح يشتغل في المحامص بس كيف يتوظف
ول قال لبوه اكيد انو راح يرفض وجلس يكر ويفكر وجات الفكره الجهنميه
راح اخذ ثوب قديم عنده ولبسه وراح محل المحامص لقى شايب مسكين قاله ابي اشتغل عندك الشايب قال ماعندي انا مكتفي عندي واحد وما ابي زياده رجع له بعد يومين
وقال ابي اشتغل رفض الشايب وشوي بداء بالكذب قاله ابوه مسكين ومقعد
وامي مريضه مسويه عمليه في القلب ومقعده ومافي الا انا ابي اصرف عليهم
مدري من وين وشايب خلاص وصل حده بيكي بس اشوى مسكن نفسه وافق الشايب مسكين وجيعه ماصدق خبر على الفرح الغبي ومايدر ان حبل الكذب الصغير مره
قعد شهرين وهو في المحل واهله طبعا محد يدري عنه والشايب متعاطف معه بقوووه
وجاء يوم من الايام قال لجيعه ابي اشوف شوف ابوك تورط جيعه وش يسوي
له شهر يكذب عليه ابوي مريض ابوي راح المستشفى ابوي طاح علينا ومن هذي العلوم اللي تخوف والشايب ماشي على النيه ابي اسلم على ابوك واتحمد لله على السلامه رفض جيعه على اساس ابوه مايبي يشوف احد بتاات البته لاحظ الشايب
ان جيعه ابد مايبي يشوف ابوه قال الشايب لازم اسئل عن ابوه وسئل وسئل تقريبا شهرين على مابال جاب اسمعه وعنوان البيت بس مدري جاب رقم البيت ولا لا؟؟
ويوم من الايام قال الشايب انا بروح مشوار وماراح اطول بس حق ساعتين
الشايب متولم سياره فيها رز وسكر ودقيق وشاهي وكل شي ابد اللي يشوفه يقول انه مسوي حمله اغاثه لصومال وراح لم بيت جيعه ودق الباب وشوي وفتح البيت ابو جيعه
سلم الشايب وقال هذا بيت فلان بن فلان قال ايه قول اكيد اانت اخو جيعه الكبير
قال لا انا ابوه عسى ماشر الشايب انقلب وجهه كأن احد صب على خشته مويه بارده
وين اللي مريض ومقعد ومايبي يشوف احد ودخل قال لابو جيعه وش تشتغل
قال انا رئيس رقباء ليش وش صاير جيعه فيه شي قام الشايب وكت العشاء كله
انصدم ابوه وانقلب وجهه مره راح اخضر احمر اصفر الوان طيف بختصار شديد
وحلف الشايب انو جايب معه اغراض للبيت طبعا فهمه ابو جيعه ان مافي شي
من اللي قاله صح الحمده لله حتى البيت قصر مو بيت عاد تسامح الوالد من راعي المحل وجيعه ابد ولا شايل هم ياكل في الصبه وتاكي على كرسي المحل يبيع ويشتري
على كيف كيفه مايدري ان نهايته ابد قربت وصل الشايب عنده وطرده من المحل من دون اي مقدمات وراح للبيت وهو طفشان واصل حده ليش يطرني ها الشايب
اول مادخل على اهله وهم حامقيت عليه مره ويوم شاف الجوء مكهرب ابد ماسلم
الا قالهم تصبحون على خير وقام ابوه ابد ماسوى شي عطاه بوسه فوق راسه
ياهو ذاك اليوم تفل العافيه من الضرب اللي جاه ابد مسكه ابوه وسوى له مقصيه
وجيعه طايح وراح لم الزاويه ورقى عليه وهو اللي ينط عليه بكل قواه ابد حلبه مصارعه في البيت وصل الدم الا الركب طبعا ذاك اليوم ماعدا على خير لا اللي سواه
مو شوي يكفي انو فشل ابوه..
ولا تاب جيعه ابد راح قدم اوراقه للعسكريه وقبلووه
وقبل مايقدم كان يسرق من البقاله موسرقه الا نشل نشل البقاله لين فضيت
وذاك اليوم سرق كتشي وحطه في البنطلون وزلق وطاح وانكسر مسكه السوداني قال ببلغ عليك الشرطه طبعا ترجاء السوداني لين قال خلاص عقاب لك اغسل المحل كله
وراح غسل المحل كله وبعد فتره قبل في العسكريه وفرح مررره
وماصدق واول ما اخذ راتبه اخذ الف ريال واعطاها السوداني قال هذي حقت اللي سرقتها
واذا بقي شي سامحني والحمدلله ربي وفقه في العسكريه بس باقي شغلتين ماتغيرت
شرب اللبن والنوووم المتكرر
طبعا اتوقع انه بيتوب بس لاتسألوني عن ايش لاني ماقريت القصه...
مسووووووووووووووق
الجمعة أبريل 11, 2008 10:54 am
