السلام عليكم ورحمة الله وبركاته
لقد انني جيت
<< اول شي هذي محفوظه لي
يالله حي زوار حلى الكون الحلوووووين
خرابيط اتمنى تعجبكم
في يومً ممطر والشمس المشرقه تلأ تلأ من فوق النجوم والسماء البارده والسحاب الاخضر يغطي شعاع النجوم وحين يكثر الهرج داخل الخيمه المظلمه وسط الكثبان الرمليه... تلقون هناك واحد اسمه موب عاقل يلهو داخل الخيمه يسطر هذ1 ويفضخ هذا ويطارح هذاك ودايما تلقاه مجلود هذا انا
لايغركم اني اتسطر بس والله اني قوي ومن يوم رجعنا من كشتتنا الي نسيت احداثها عقب الفلقه الي تعرضت لها بالطريق اثنا عودتنا <<يمديكم ؟؟
اول مادخلت محطوط على راسي شاش من كثر الدمان الي تصب منه جلست امي جمبي قالت وانت ماتجي الا مفلوق لعنبو دارك وراء ماتركد ؟ قلت اومااه لقد غدرو فيني والله لو انهم جايني واحد واحد لوبخهم بس الكثرة تغلب الشجاعه وردت علي امي وهي تهزر راسها الا ليت الشباب يعود يوما واسطر من يسطر عقولي << امي تحبني وتدلعني
قلت مايخالف تسانتس قد كلامتس قولي لبوي يشتري لي سياره ابي اكشت مثل الناس ودقت هذه الوالده الشجاعه صدرها وقالت تم وانا امك لعنبوه زوج ميلبي طلبات زوجته قلت اايه يابعد حيي هذي امي يالبي قليبتس عليتس بابوي واذا لف ودار عليك علميني بس والله لعلمك انه يدخن <<ماعلمها
قالت بكره المفاتيح جمب بوكك وانا انقز من الفرحه واشغل التلفزيون وارقص على اي شي فيه كان فيه لبيك اسلام البطوله كلنا نفدي الحماء
واطلع للشارع وانا طايرن من الفرحه والقاهم مفرقين يبون يلعبون كوره قلت فرقوني قالو اندزلع بس مابقى الا هي قلت ابوي يبي يشتري لي سياره ويحطوني راس حربه قلت تمام اضيع هجمات ولا يقولون لي شي يوم خلصنا كوره يباشرون لي شرو لي تيم قلت وادي ابكي لين مايبقى دموع ودي اشكي لين مايبقى هموم << مالها دخل بس اعجبتني وقلتها
رجعت للبيت متموصع عقب لعب كوره ودوران الين الساعه ثنعش يوم جيت لقيت امي متغطيه بفروتي ونايمه على الدرج قلت وين يامي العزيزه وش فيك ؟ قالت ابوك كرشني
قال بعد تبين سيارة للخبل الي هو انت يابني العزيز
قلت بعد زين الطبايع جايتن تسذ1 تقولينه له ماعندك اسلوب ؟؟
واطق على ابوي قلت يابو عقوول(اللي اهو انا) افتح ابيك بسالفه <<شف الاسلوب
ويفتح قلت وش دعوى تراء لو تروح وترجع ماتلقى اطلق من امي قال كل تبن انت وامك قلت كل تبن انت كلش الا امي ويسطرني
قلت مايخالف المهم اني دافعت عن امي والله ويدخلنا ولا اشوف الدرب رحت نمت عقب لعب الكوره تسطير ابوي
واجلس بفراشي اهوجس قلت انا ليه ماشتغل واجيب فلوس واصير حليل
قلت خلاص اذا قمت الفجر باخذ شهادة الثانويه وشهادة حسن سيرة وسلوك وبروح ادور لي وظيفه يوم قمت رحت للشارع بوقف لموزين ويوقف عندي راعي كابرس قديم شنب قلت هلا صبحك بالخير قال هلا وغلا بالمزايين كلهم وانا ادري انه شرير
وامشي واخليه ويرجع علي بسيارته واركض ويسرع واقطع الشارع ويدعسني راعي لكززس جديده وانا اطلع لساني تسني ميت قلت علشان مايقول لي صلح سيارتي وينزل ذاك الشايب الي يتعكز على عصااة قلت له والله اني ميت والله ماصلح سيارتك قال لا ان شالله طيب قم اوديك للمستشفى قلت على حسابك ؟؟
قال قم واقوم وارز بالمتربه الي قدام وهو يسوق يالله يمشي وانا ازود المسجل لاخر شي
قلت يلئن ام السماعات ياشيخ
قال وش اسمك قلت موب عاقل
قال وش تدرس فيه قلت متخرج بس مالقيت وظيفه وابوي يسطرني كل يوم
ويضحك قال وش مسوي له قلت ابوي مسوي قوي علينا كل ماجاء سطرني قال طيب ليه ماتوظف قلت مالقيت قال طيب ورحنا للمستشفى وحطو على رجلي مرهم ولفوها بشاش وركبت معه قال نبي نروح لبيتي نفطر قلت لا ماتقصر بس بروح ادور لي وظيفه قال انا اوظفك عندي بس امش افطر قلت لايصير هالشايب.....................
واروح فيها
ونفطر وانواع السوالف ويحط لي انواع الزيتون هذ1 اخضر وذا فيه بوسطه احمر والي محشي سمك <<<اوخس ياتسذبك
وياخذ ملفي ويقلبه يمين ويسار قال خلاص بوظفك براتب عشر الالف وانا اغص قلت لالالالالالا
قال ليه قليل طيب ثنعش وانا اكح قلت وشو ؟؟ قال ماعجبك اخر شي ولا راح ازيد لك خمس طعش الف قلت تم لعنبو جدك ياليتك جايني من زمان واقوم وافصخ ثوبي قال وش تبي تسوي ؟؟ قلت مانيتك كذ1 ولا فهم وانا اضحك قلت لا بس حر وابي اتبرد شوي
قال من بكره تدوام وعطاني اربع الاالف قال اشتر لك لبس ونظف نفسك وتعال بكره بالبيت والله واطلع وسيده على السوق وادق اطلق لبس وافصل احسن ثياب <<< من قدهـ
قلت ياسلام انفتحت بوجهي الدنيا واشتري لامي خاتم قلت هديه مسكينه عند هالشرير <<يقصد ابوهـ
ولا يشتري لها شي واول يوم اداوم دوامي اسلم شنطه واستلم شنطه وارجع للبيت ويشتري لي سياره وكل يوم اروح تسعين كيلو عن المدينه والقى سياره اسلمهم شنطه واخذ الشنطه الي معهم واسلمها له وارجع انام يعني دوام ساعتين بالكثير وعلى هالحال سنتين الين صرت معروف بكثرة فلوسي قالت امي ياوليدي نبي نزوجك قلت شوفي تبون تزوجوني بقول لكم شروطي ابي بنت تشبه برتني سبيرز بخشمها وعيونها عيون زينيب العسكري وشعرها شعر فريده ... فريدهـ = تشتغل بمستشفى الملك فهد بس والله ياعليها شعر ماهوب لعب ...
وابيها اذا طاح شعرها علي عينها ترفع بيدها الي يمين اذا رفعته بيدها الي يسار مابيها وابي سنونها فيهن فلج وابي فيها غميزات ولها شنطه
قالت ياوليدي هذي اذا لقيتها تزوجتها انا <<شف الخيانه
لاكن شف ياوليدي فيه منى بنت عبد الرزاق فيها فلج ومربربه وشعرها الين رقبتها وحبوبه قلت يوماااه هذ1 ماهو فلج هذ1 كسر بالسنون من العام يوم ينطلق عليها غطاء القدر الكاتم بعدين يومه هذي كانت تلعب معنا امس ظهير ايمن بالحاره تكفين فكيني منها ويطق الباب قلت طيب افتح وارجع لك والقاهم الشرطه قال عقوول قلت بعينه وعلمه تبون الشنطه ؟ قال معك الشرطه قلت هاااه وشو وش انا مسوي قالو مطلوب قلت طيب البس ثوبي واجيكم قال اقول خل هالحركات عنك واركب قدامنا قلت ياخي ماعلي الاا سروال سنة وفنيله علاقي وين اركب قال اقول اركب وتلني مع يدي وركبوني غصب ويسجنوني يومين ولا ادري وين انا فيه يوم جاء اليوم الثالث ويفتحون علي الباب قالو تعال واركض لهم اول مادخلت الغرفه والقى واحد ملقيني ظهره وواقف على الدريشه جمب المكتب قال عقوول قلت طم سال عمرك قال كم لك سنه تشتغل بالتهريب ؟
قلت وشو تهريبه قسم بالله ...قال لي اوووص ولا كلمه لاتحلف ويصقعني بالطفاايه وانا اتلايط قال تعترف انك تشتغل معهم تودي الشناط وتجيبهم قلت ايه قال كم سنه قلت سنتين واربع شهور قال سلو عليه يالله انقلع قلت بس انا... ويدفني العسكري للسجن يوم جاء بكره جابوني للظابط نفسه قال حكمت عليك المحكمه واحد وعشرين سنه سجن قلت لالالالالالالالالالا
واقعد ارافص واصيح قلت ابي امي ابي ابوي ابي الشايب بلعن والديه .......................................... ........ ....................................وتمحطني امي بالعقال قالت قم بلا شيبان بلا بطيخ ابوك اشترى لك سياره يقول خله يجي يوقع على التعهد الي تحت انه مايفحط يوم نقزت ابي اغسل وجهي.
وت قومني امي تقول قم ود الغدا للرجال ابوك زعلان <<<هذي الحقيقه الباقيات احلام اليقظه
ان شاء الله تعجبكم
يالله نشووفكم ابي اودي الغداء للشايب صيوووو
السبت مارس 29, 2008 5:49 am
<<ياليل البعارين
