أبو جهل والهايلـــــــكس غمارتين,,,

كيف الزكرت اقلطوا الله حيهم <<< التحيه اطول من القصه


مالكم بالطويله <<<< ابد انت الحين


.....(زي تعبير الانجليزي لازم تترك فراغ قبل لا تبدأ )

هذا ياطويلين العمر والسلامه في يوم من ايام الربيع المشرق

كان هناك رجل اسمه ابوجهل قبل الاسلام

كان هذا ابوجهل تاجر وكانت تجارته من مكه الى اليمن الى نجد <<< مع ان ماكان فيها احد هاك الوقت

وكان طالع ذاك اليوم من مكه متجه الى اليمن راكب خيله ومعين من الله خير

وتوه معبي الخيل بنزين 91 ومغير الزيت (سوبر شل )

ورايح في امان الله لا والله مر محطه واخذ معه هولستن فراوله ولوزين جبن <<< والله من زين الذوق

المهم كان ابو لهب معروف بتجارته بالقماش

وهو يمشي بسرعه 140 كيلو متر بالساعه كان فيه رادر بالطريق

انفقع عليه الكفر حق الحصان والله وينزل ابو جهل من خيله ونزل العفريته وعصى العفريته

ويرفع الخيل من عند الدفرنس ولا يوم رفع الخيل ويناظر تحته ولا يلقى استبنه الخيل

اثره تذكر انه مغير كفرات الخيل عند ابو يمن بالغرابي وزرف الاستبنه وهو غافل

المهم جلس ينظر ان شاء الله يمر احد من الاجاويد ويساعده

الا والله بعد صلاه العصر الا يشوف هذاك اللي مقبل معه شي غريب

ويوم جاء الاجودي سفط على جنب ونزل من سيارته

الا هو ابو لهب قاله ابو لهب يالملعون وش ذا اللي معك

قال بالله ماتدري وش هذي قال لا والله مادري

قال هذي هايلوكس 2007 بالشكل الجديد

قال ابول جهل : لا والله غيروا شكلها دفرنسين اجل

قال ابو لهب : خلك بس على حصانك المعفن هذا كل شوي خربان فيه شي

قال ابو جهل : هاه بس لايكثر قرقك عطني الاستبنه واذا وصلنا اليمن رجعتها لك

عاد غيروا الاستبنه وتوكل ابو لهب في طريقه والله كان مشوت يمشي 160 سادح الطبلون

وركب خوينا ابو جهل الحصان وعشق بالاول وتوكل وهو بالطريق قعد يفكر يقول والله ها الحصان غثنا

لازم اشتري هايلوكس وهو ابو لهب ازين مني في ايش

قعد يفكر ابوجهل قال : مابدهاش اذا رجعت الى مكه من ها التجاره ابطقلي هايلوكس

لا وغمارتين بعد

والله يوم وصل ابو لهب عند الحدود اليمنيه ويوقفونه الجوازات <<< تعرفون روتين

وياخذون منه الجمارك حق البظاعه ودخل اليمن وجلس على بسطه في صنعا ((( جنب بسطه مدري )))

ويبدأ يبيع ويصوت ياطيب يالحبيب على خمسه على عشره

والله وباع وكسب حوالي 30000 الف ريال <<< شفتو ان القماش يجيب ذهب

ويوم هم بالرجعه ويحجره ابولهب قال تعال عطني استبنتي

قال يبن الحلال انت تعرفني دايم نهجول مع بعض

وقال ابو لهب : في الهجوله انت حبيب عيني بس بالتجاره انتسلع وجب الاستبنه

قال ابو جهل : الشكوه لله يالله قوه نشتري لي استبنه عشان اعطيك استبنتك

والله ويركبون الهايلوكس وركب ابوجهل قدام

ويشتغل المكيف ومسجل كاسيت فيه نانسي عجرم

ومراتب مريحه وقزاز تماتيك وقفل مركزي

قال ابو جهل في نفسه : مابدهاش طاقه طاقه والله لايعوق بشر

ووصلوا لم البنشر <<< عاد كل اليمن بناشر

وغيروا وركب ابو جهل طقم كفرات جديد <<< ايه من قدك مطنوخ معك 30000 الف ريال

والله ويشتري كفرات برجستون خمس كفرات ب 1500 كل كفر ب300 ريال

قال ابو جهل مانب ممرح باليمن امشي لمكه <<<< قويه والله اصليه الحبه

وتوكل ابو جهل لم مكه

يوم وصل مكه راح لم بيتهم ومعه 28000 الف ريال تعرفون مصاريف السفر

وقال ابريح اليوم بكره طاق الهايلوكس

يوم اصبح ابو جهل راح لم وكاله عبد اللطيف جميل بمكه

ودخل واستقبلوه وقالهم انا ابي هايلوكس غمارتين

عاد وروه الانواع قال انا ابي glx

الولد يحسبنه مطنوخ ب28000

قالهم بكم ها الاشقر <<<< على باله انه خيل

قاله موضف الاستقبال <<< عاد مكشه لابس كرفته

هذا ياطويل العمر ب64000 ريال

يوم غص ابو جهل بريقه

وصرف الوضع وقال امركم بكره ان شاء الله

وراح ابوجهل الى بيته خائيب الامل

ويقول السبهه ابولهب شلون شراه

وقعد يفكر وقال مالي الا اني اتسلف وابيع حصاني

وراح ابو جهل الى سوق الاحصنه المستعمله

وحط حصانه يحرجون عليه

اللي يقول خمس واللي يقول 1000

المهم صفى حصانه على 3500 ريال وتوكل وباعه

وقعد يحسب يقول 28000+3500=31500ريال

وبرضوه قعدي يحسب يقول : 64000-31500=32500 ريال

هنا بغت تجي ابو لهب جلطه

المشكله انه مهب موضف بالحكومه ولا كان اخذه تقسيط

قعد يفكر وقال من وين مالي الا الذيبان عمي ابو مرتي

اروح اخذ منه سلفه <<<< ناوي يجحد والدينه

المهم راح ابو جهل لم عمه وقعد يترجاه تكفى ياعمي

وهذاك يذله مبسوط

عاد بالاخير اعطاه 15000

قال ابو جهل : كويس كذا يصير معي 46500 ريال

باقي 17500 ريال من وين من وين

وتذكر جاه الفرج انه حاط في البنك <<< اكيد سامبا

20000 ريال قال بس كذا انحلت

وراح وبيسحب المبلغ

ولا بطاقه الصراف منتهيه وراح للبنك عشان يسحبها

وكتب الورقه ويوم وقع الرجال وراحوا يتأكدون من التوقيع ولاه ناسيه

قال مابدها نشغل الواسطات والله ويدق على اخو شينـ وقويـ عينـ << مدير فرع

والله ويدبر امره الذيبان <<< بس اكيد دهن سير اخو سين ب1000 ريال

المهم يوم راح للوكاله خلاص يبي يشتري الهايلوكس

لقاها مقفله قال يلعن ام الحظ نجي بكره مهب مشكله

المهم راح نام ابو جهل في بيتهم يوم قام الصبح بكره

ويورح لم وكاله تايوتا ويدخل من قده قال وين الهايلوكس انا ابي اشتريه

قالوا له الحين مافيه ولا وحده لازم تصبر يومين نجيب لك طلبيه من جده

قال ابوجهل : الشكوه لله نصبر نصبر يالله

وبعد يومين يروح ابو جهل وهو لابس البشت وكاشخ

عشان يستلم الهايلوكس

لا وبعد قالهم لا تغسلونه ابيه بتغبيرته

ودوه لم المخزن وعطوه السياره

من قده ابو جهل الدنيا ماتاسعه ويشغل ويعشق بالاول ويطلع من المخزن

ويوقف عند اول اشاره ويوم جت خضراء

الا ابو لهب قاطع الاشاره وجاي مشوت ولاه وجه بوجه مع ابوجهل

ويفز ابوجهل فزه ويلتفت يمين ويسار ولاه على فراشه كان يحلم

ولافيه الا خيله صافط عند البيت << مبنشـر بـع ـدٌ هههههههه



تقبــــــلــــــو آحتـــرآمـــــي ..

رشاااااااااااااش..<<<ترى انا بنت<<<كأن احد قال اني ولد



سي يو
باي
مع السلامه
تشاو
.................الخ

هههههههههههههههههههههههههههههههههه
انا قريت الاول ومت ضحك ولا كملت الباقي
يسلموووووو يدينك رشارش

مـشـكـوره خيتو رشاااااااااش
وتقبلي مروري......